पन्हाळा (कोल्हापूर) : येथील संजीवन अभियांत्रिकी महाविद्यालयामध्ये अलीकडेच आयोजित कॅम्पस इंटरव्ह्यूसाठी देशातील नामांकित कंपन्या आल्या होत्या. यात शंभरहून अधिक विद्यार्थ्यांची निवड झाली.
महाविद्यालयातील सर्व शाखांतील विद्यार्थ्यांनी यात सहभाग घेतला होता. ‘सीएमएस, कल्याण’ या कंपनीमध्ये २१ विद्यार्थी, ‘फॉक्स अँड क्लाउड’ कंपनीमध्ये पाच, अॅक्टि सिस्टीम इंडिया प्रायव्हेट लिमिटेड कंपनीमध्ये एक, शिम्पूकडे इंडस्ट्रीजमध्ये २२, स्पीड टेक सर्व्ह प्रायव्हेट लिमिटेडमध्ये दोन, महाबळ इंडस्ट्रीजमध्ये दोन, लोढा डेव्हलपर्स कंपनीमध्ये चार, ठाण्यातील ‘विनटेक’मध्ये एक, तसेच पर्सिस्टंट, हिंद गियर प्रा. लि., एच पी, सिंटेल, बॉश, युरेका फोर्ब्स, मनुग्राफ, दालमिया सिमेंट या कंपन्यांमध्ये मिळून शंभरपेक्षा अधिक विद्यार्थ्यांना नोकरीची संधी मिळाली.
कॅम्पस इंटरव्ह्यूमध्ये यशस्वी होण्यासाठी विद्यार्थ्यांना ‘ट्रेनिंग अँड प्लेसमेंट’ विभागाचे प्रमुख प्रा. ए. एस. बन्नेनवर, महाविद्यालयाचे प्राचार्य डॉ. जी. व्ही. मुलगुंड, संस्थेचे चेअरमन पी. आर. भोसले, सहसचिव एन. आर. भोसले यांचे मोलाचे मार्गदर्शन लाभले.